Հառիճավանքը գտնվում է Շիրակի մարզի Հառիճ գյուղում: Վանքը կառուցվել է 7-13-րդ դարերում: Այս վանական համալիրը, միջնադարյան ճարտարապետության նշանավոր հուշարձաներից է: 2012 թվականից  այստեղ գործում է Թրբանճյան ընծայարանը, որտեղ կրթություն են ստանում ապագա հոգևորականները:

Ձիթողցոնց տունը Գյումրու քաղաքային կենցաղի և ազգային ճարտարապետության թանգարանն է, գտնվում է քաղաքի կենտրոնում։ Հիմնադրվել է 1872 թ․՝ հայտնի առևտրական Պետրոս Ձիթողցյանի կողմից։ Թանգարանում ներկայացված է Գյումրու առօրյան, պատմությունն ու մշակույթը։

Սև բերդ-ամրոցը գտնվում է Շիրակի մարզի Գյումրի քաղաքում։ Այն կառուցվել է 1834 թվականին։ Ի սկզբանե եղել է Ալեքսանդրապոլի (ներկայիս՝ Գյումրու) պաշտպանական կառույց, ծառայել է, որպես զինվորական բանտ։ Մի շարք պեղումների արդյունքում պարզվել է, որ Սև բերդի տարածքը եղել է քաղաքի հնագույն բնակելի հատվածը։